Hopital Babtiste Biblique

I helga var eg og tre venninner og besøkte eit sjukehus tre timar nord for Lome. Det er eit privat sjukehus drive av ein amerikansk misjonsorganisasjon. Her arbeidar Togolesiske og amerikanske sjukeplaiarar side om side. Dei har og sin eigen sjukepleiarskule. Dei fleste legane som er på sjukehuset er amerikanske. Nokre er der over kortare tid, medan andre er der i mange år. Litt slik som det er på skipet. Dei har ein stor sjukehusbygning med to operasjonssalar og ca 40 sengeplasser og det gjer dei til det nest største sjukehuset i Togo!! Dei behandlar alt som måtte komme av medisinske og kirurgiske diagnoser og dei har og fødeavdeling. Alle pasientane her må betale litt for å få behandling. Me fekk vere med på ein liten runde og dei lot oss vandre fritt omrking og hjelpe til med det som var. Det var svært spennande å sjå korleis ting fungerar her. Det er ganske annleis enn både skipet og heime i Norge. 

Her er litt bilete: 

Dr Sam, ein av kirurgane som kjem ein gong i året, på morgonvisitten. 

Barneavdelinga!

Ein av operasjonssalane. 

Her lagar dei sine eigne intravenøse væsker!!! 

Dette er Ali og mor hans. Han var pasient hjå oss, men då vår plastikkirurg var reist og han trengte ny hudtransplantasjon var løysinga å sende han til dette sjukehuset då dei hadde ein plastikkirurg der. Og me var heldige og traff på han :) Han er ikkje lenger innlagd på sjukehuset, men mottek poliklinisk behandling. 

Lillesøstera til ein av pasientane på intensivavdelinga. 

Fran frå Sør-Afrika og ein tjukk liten afrikansk baby!

Meg, Fran, Jenny og Danielle med kvar vår nyfødde baby :)

Chantal!

Forrige torsdag så døde ein av pasientane våre. Ho var her i nesten 3 månader, og me blei alle godt kjent med ho. Eg fekk og delta i gravferda hennar, noko som var ei spesiell oppleving. Danielle, mi romveninne, skreiv eit blogginnlegg om ho, og eg vil berre anbefale alle å lese det!

Blogginlegget finn du her!!

Ellers så står alt bra til!

B-ward!!

Sykehuset her på skipet er delt inn i 3 avdelignar. A-ward- Generell kirurgi, B-ward- Plastikk kirurgi (og seinare VVF) og D- ward- MaxFax kirurgi. Eg jobbar på B-ward og det innber stort sett sårskift. Sidan afrikanarar har dårligare ernæringsstatus enn dei fleste har heime, gror sår seinare her. Dei har og oftare infeksjonar i forkant av ein operasjon og det er vaskelegare for dei å oppretthalde god hygiene heime sidan dei ofte bur mange tett saman, og det er mangel på reint vatn. Det gjer at mange av pasientane våre er på avdelinga svært lenge. Me blir godt kjent med dei og det er stor stas. Dei siste to vekene har eg ikkje vore inne på avdelinga, men eg har vore på sårskiftstova og vaska og bandasjert 4-8 sår per dag. Det er svært lærerikt og eg synest det er veldig kjekt!!

Her er bilete og litt om nokre av pasientane som er hjå oss: 

Dette er Mifatu. Han er 9 år gammal og har vorte operert på Africa Mercy tidlegare. Han fekk alvorlege brannskadar i anletet då han var omlag 10 månader. Denne gongen fekk han ny underleppe og nytt augelokk på venstre auge. 

Dette er Tani. Ho vart brannskadd som lita, og har skader i anletet og på brystet. Ho var på Africa Mercy i 2010 og fekk ny nase og reparert eit øyra. Denne gongen fekk ho transplantert hud over venstre auge der det berre var eit hol. 

Abel er ein 4 år gammal gut som hadde kontraktur  på venstre fot. Det har blitt fiksa med ein skinntransplantasjon. Den vetle guten er lillebroren hans. Me har innimellom slike "bonuspasientar" :)

Her er Ramziatu. Ho er 18 år gammal og hadde kontrakturar etter brannskade på høgre hand. Det har vorte fiksa med ein skinntransplantasjon. 

Dette er min favoritt. 13 år gamle John! Han hadde alvorlege kontrakturar i nakken og haka. Han hadde og ei skadd hand. No har han fått ein hand han kan bruke og han har eit stort transplantat på venste skulder og hals som gjer at han han røre hovudet att. 

Dette er 5 år gamle Lumen. Ho hadde brannskader på begge føter som gjorde at ho ikkje kunne gå. Ho har transplantat på begge føter, og håpet er at ho lærer seg og gå. Ho har allereie begynt litt!!! 

Her er 7 år gamle Mokbokpo. Ho hadde brannskader på begge armane som har blitt hudtranspantert slik at ho kan bruke hendene sine. 

Det er stort å sjå kor takknemlige pasientane er når dei ser resultata av operasjonane. Me har hatt mange infeksjonar i år, men i det siste har me fått mange negative resultat attende. Det er fantastisk å sjå sår som blir betre dag for dag. Gud er GOD!!!

Back to Ghana!!

Sidan eg er her nede i meir enn 6 mnd, så har eg høve til å ta ut nokre dagar ferie! Det gjorde eg for et par veker sidan, og reiste tilbake til Ghana saman med Jenny. Her er oversikt over reisa vår dag for dag:

Dag 1: Lome, Togo- Bogoso, Ghana (via Accra) (ca 9 timar)
Dag 2: Bogoso - Kumasi (4 timar), Kumasi - Tamale (8 timar)
Dag 3: Tamale - Mole national park (6 timar)
Dag 4: SAFARIDAG!!!
Dag 5: Mole -Tamale (5,5 timar), Tamale -Kumasi (8 timar), Kumasi- Accra (6,5 timar)
Dag 6: Accra, Ghana- Lome, Togo (3,5 timar)

Her kan de sjå kart over reiseruta vår til Tamale, eg fekk ikkje til å legge inn Mole, men de kan sjå parken til venstre for Tamale!

Det er ei heilt spesiell oppleving å reise i Afrika. Alt går etter si eiga klokke! Så me måtte ha med oss mykje tålmod. Første to dagane av turen reiste me saman med ein av legane her på skipet. Han er pensjonist og har dei siste par åra vore i Ghana fleire gonger og hjelpt til med å byggja ein skule. Me var så heldige at me fekk vera med å sjå framgangen der.

Her er dr Quinby, Jenny og Koffi utanfor skulen:

Det hadde vore stas å reist tebake dit i mai når han nermar seg ferdig, så me får sjå om det lar seg gjere. 

Etter at me drog frå skulen reiste me til Kumasi og vidare til Tamale som er langt nord i Ghana. Der sov me eit par timar før me sette oss for å venta på bussen som skulle ta oss til Mole National Park. Den måtte me venta lenge og vel på. Den skulle gå klokka 13.30, men først klokka 19.30 kom den. Verkeleg på African time :) Men me kom oss trygt fram, og hadde det kjekt medan me venta. Her er eit vente-på-bussen-bilete: 

Me traff og på 4 norske jenter der som og skulle til Mole! Stas :) 

Så kom me oss fram til målet for reisa, og neste dag var me klare for safari. Den første turen starta klokka 07.00 og det var ein vandre-safari som tok omlag 2 timar. Her er litt bilete frå den: 

Viss du ser godt etter så ser du ein krokodille!

Dette er foravtrykket til ein elefant. 

Og dette fotavtrykket til ei løve. 

Her er turguiden/vakten vår. 

Viss du ser godt etter så ser du ein liten antilopefamilie. 

Pumba og pumbababy :)

Her er området me vandra rundt i. 

Så hadde me nokre avslappande timar i varmen (ca 35 grader) før me dro på ein kjøresafari på ettermiddagen. Det var utruleg artig!!! Her er litt bilete frå det: 

Ein antilope. 

Jenny og meg på taket av land roveren. 

EIN EKTE ELEFANT!!!!!

Benin!

Ja då har eg vore på tur igjen! Denne gangen til Togo sitt naboland i aust: Benin. Det er som Togo, ein tidlegare fransk koloni, så dei snakkar for det meste stammespråk og fransk der. Me reiste difor saman med to som jobbar her som er frå Benin. Det gjorde ting svært mykje enklare.

Først reiste me til Cotonou som er den største byen i Benin. Der besøkte me eit marked og ein dyrehage:

Her klappar Jenny og Olga ein 3 veker gammal antilope. 

Her klappar eg ein 2 meter lang boaslange. 

Ein apakatt i band. Dei fleste dyta sat i små bur, eller var i band. 

Ei ekte løve!!!!

Og på ekte afrikansk vis måtte minibussen vår dyttast i gang då me skulle dra...

Neste dag drog me eit lite stykke utanfor Cotonou, til ein liten landsby som heiter Ganvié. Det som er spesielt med denne byen er at alle (i allefall dei aller fleste) bygningane er bygd på stylter. Dette då ei av dei lokale stammane flykta frå slavehandlarar som på grunn av overtru ikkje kunne entra vatn. Dermed vart dei redda! Det bur 20 000-30 000 i byen, og dei driv hovudsakleg med fiske (naturleg nok..).
Her er litt bilete:

Her ser de fruktmarkedet i byen. Alt foregår frå båtane/kanoane. 

Og borna padlar rundt i eigne kanoar!!! 

På toppen av Togo!

Som eg nevna i forrige innlegg så var me nylig på det høgaste fjellet i Togo, Mt Agou. Det var ein fantastisk tur. Me snubla tilfeldigvis over ein UIO (ungdom i oppdrag) base i fjellsida, og bestemte oss for å bli der over natta. Me fann og ein engelsktalande lokal guide der som tok oss opp til toppen neste dag. Basen var ein fantastisk stad å tilbringe tid på, og eg drar nok attende dit når eg har høve til det.

Her er litt bilete derfrå:

"oversikt" over basen

Eit klasserom der dei som jobbar på basen underviser lokale elevar når dei har tid til det

Kjøkkenet :) I den lille gryta er havregrauten me laga til frukost!

Her er Emy. Ei av dei lokale afrikanske damene som arbeider på basen. 

Turen opp til toppen var nydelig. Me vandra gjennom 3 landsbyar, og innimellom litt regnskog. Det var ein nydelig tur! Sjølv om det var veldig varmt. Her er litt bilete frå turen:

Den første landsbyen me passerte

Jenny, Danielle og meg saman med guiden vår Gilbert

Litt utsikt!

PÅ TOPPEN!!! 986 moh

Ein liten pust i bakken på veg ned

Gilbert kjøpte sukkerpinne til oss. Nam, nam :)

Sjukestova i ein av landsbyane

Togo!!

Me har no lagt til kai i Togo. Her skal me vera fram til juni. Her kjem litt fakta om landet:

Togo er ein tidlegare fransk koloni. Hovudstaden er Lome med omlag 730 000 innbyggjarar. Det er og den største byen. Det vanlegaste språket her er fransk etterfulgt av ewe. Så nå må eg læra meg fransk. Dei næraste naboane til Togo er Ghana i vest, Benin i aust og Burkina Faso i nord. Om du er usikker på kor det er kan du sjå kart HER! Togo er ei lita smal stripe i vest-afrika.

Eg gler meg til å utforske landet meir i månadane som kjem! Førebels har eg vore på mt Agou som er det høgste fjellet i Togo. Her er me på toppen:

Føremålet med oppholdet her i Togo, er som vanleg å hjelpe dei som treng det mest. Og for å finne dei har me hatt screening. 3500 møtte opp og av dei vart omlag 1000 sendt vidare. Det er enno ikkje endelig bestemt kor mange av dei som får operasjon, men iallefall halvparten av dei skal få hjelp. Nokre av dei har allereie blitt operert! Behovet her er som dei fleste andre vest-afrikanske land: stort!!  Her kjem litt bilete frå den dagen:

Ein Mercy Ships land rover utanfor stadionet me hadde screeningen på. 

Ein liten bit av køen 

Her tar eg opp pasienthistorie på ei lita jente med ein godarta svulst på leppa. 

Jenny og Danielle leikar med borna medan dei ventar på sin tur. 

Eit av venteromma inne for dei som var så heldige at dei fekk komma inn. 

Be gjerne om at alle operasjonane framover skal gå bra!!