Greetings from Ghana!

Gledelig jul!!
Me har no vore i Ghana sidan 15 desember, så vi feira jul her. Sidan mange på skipet er frå USA eller Canada, bar feiringa i stor grad preg av det. Eg sakna pinnekjøt, men forutan det så var det særs kjekt :)

Om 6 dagar reiser me vidare til Togo, og sidan me er i Ghana så kort tid, så har det vore veldig travelt. Me har prøvd å få med oss mest mogleg medan me er her, så fridagane fyllest fort opp. Ghana er særs forskjellig frå Sierra Leone, og kontrastane frå der til her er enorme. Her har ein asfalt på vegane, supermarked, kjøpesenter, varer med fast prislapp, bilar med alle vindauga, dører og interiør, minibussar med aircondition om mykje meir som ein ikkje finn i resten av vest-Afrika. Det kjennest litt rart å komme frå så fattige kår som det er i Sierra Leone og hit. Her kjem litt bilete frå tida i Ghana fram til no:

Her er Danielle og eg i full sving i Gallyen. 

På kvelden på julaften jekk alle rundt og la gaver utanfor dørene. Her er samlinga mi :)

Som seg hør og bør hadde me eit peparkakeskip.

Me var i regnskogen og det regna litt!!!!

Og her er formålet med turen til regnskogen: the Canopy walkway. Hengebruer mellom trea omtrent 30 m høgt oppe. Utrulig kjekt å gå mellom trea :)

Det var alt for no. Eg skal leggje ut fleire bilete frå Ghana snart! 

ByeBye Freetown!!

For to dagar sidan, 10 desember 2011 klokka 12.30 la me frå kai i Freetown, Sierra Leone. Nå er me på god vei til Ghana. Turen til no har gått smertefritt og me har allereie sett delfinar i hopetall, kval og det har blitt spotta hai! Og mange flygefisk. I morgon skal me ha ein 12 timars stopp for å fylle på drivstoff frå et anna skip. Be gjerne om at det skal gå bra!
Her kjem litt bilete frå Freetown og frå avreisedagen:

Her er eg nesten oppe ved universitetet. Båten vår ser du til venstre i biletet. Kvit med blå pipe.

Eit stilig tre. 

Slike finn ein mange av her omkring. 

Bustader me går forbi opp til Universitetet. 

Nokre barn hentar vatn. 

Campusen på universitetet i Freetown. 

Nokre av dei som kom på kaien for å sei farvel til oss. 

Dekk er ganske fullt nå som me selgar då alt som vi brukar å ha på kaien må vere med på båten. Her er nokre av bilane lasta opp.

Landgangen må og vera med!

Losbåten. 

Test av livbåtane. Alle virka som dei skulle. 

Bye bye Freetown!!!

The end!!!!

Nå har slutten på feltoppdraget i Sierra Leone 2011 komme. Sjukehuset er stengt. Alt er skrubba og pakka vekk. Det er ei litt rar kjensle å vera sjukehusskip utan sjukehus, men slik er livet på båten. Så om ca 4 dagar drar me herfrå og set kursen mot Ghana. Der ska me ikkje vera sjukehus, men berre fiksa litt på båten. Sjukehuset opnar att i slutten av januar/byrjinga av februar. Så i går byrja eg å jobba i byssa der me lagar maten. Det er førebels særs kjekt :)

Her kan de få sjå litt bilete av pasientar (og sjukepleiarar) frå Sierra Leone:

Ramatu

Eg og Mohamed

Ute på dekk, me tek nemlig med oss pasientane ut på dekk eller på havna 1 time kvar dag. 

Ute på havna

Slik som dette vert borna bore frå dei er heilt små. Her har eg Lesha på ryggen.

Feiring på avdelinga, med ekte afrikanske rytmer. 

Jenneh Bah ute på dekk.

Bilete frå eit av pasientromma.